O director xeral de Agricultura da Comisión Europea (CE), José Manuel Silva, e a ministra de Agricultura, Elena Espinosa, pecharon onte cun almorzo-coloquio as "Xornadas sobre futuro da PAC e mercado agroalimentario internacional" organizadas no Pazo de Mariñán polo Ministerio de Agricultura (MAPA) e Efeagro, có patrocinio de Tragsatec. Jose Manuel Silva opinou que, dende o punto de vista dos productos agroalimentarios, canto máis se retrase o acordo comercial entre a Unión Europea e Mercosur, máis caro lle costará o sector agrario europeo. O director xeral de Agricultura da CE explicou que o acordo comercial con Mercosur, que calificou de "moi ambicioso", estivo a piques de pecharse en 2004, nuns términos "moi baratos" para o sector agrario, aínda que finalmente postergouse pola falta de posturas comúns dos países de Mercosur en temas non agrarios e apuntou que será difícil que se chegue a un acordo este ano. A ministra de Agricultura, Elena Espinosa, indicou que a cuestión fundamental é manter a compatibilidade dos acordos que se alcancen no seno da OMC coa nova PAC, para non ter que asumir novas reformas, e insistiu na necesidade de lograr unha adecuada protección das indicacións xeográficas. "Non haberá acordo final sen que este tema teña un tratamento razoable", indicou Espinosa, que tamén abogou por manter os mecanismos de protección que sexan precisos para salvaguardala diversidade da agricultura europea, a través dos denominados "productos sensibles".
En canto á reforma da PAC e a súa aplicación en España, onde entrará en vigor en 2006, e reiterou a conveniencia de adoptar un desacoplamento parcial, Espinosa asegurou que manterá as rentas dos agricultores. Respecto o desenrolo rural, a ministra criticou que a CE queira ampliar os seus obxetivos e dispoñer tamén de menores perspectivas financieiras, polo que pediu que o presuposto para desenrolo rural creza o mesmo ritmo que o do resto de políticas comunitarias consideradas estructurais.

Información obtida de La Región